NYIMBO CIA IBUKU 415 - 439

  KIRINDI GIA THIINO   1.  Kirindi gia thiino mwithagathegei  Mwitherie mutonye Zayuni  Menyai niutuku gukirie gukia  Atheru tutonye Zayuni      Iini niaroka ii niaroka  Ii niaroka Mwathani mwitherie mutonye Zayuni     2.  Muhiki gukena niuria ukahikira  Mwathani muthenya wa muico  Akaria matunda ma muti wa muoyo  Ndakahuta na ndakanyota.     3.  Hindi iria ngageithia Jesu na guoko  Ningakena gikeno kiingi  Nao aria meiguru Mahuhage coro  Makihuhaga mituriru.     4.  Ngakena atia hihi ndamwona  Mwathani agiuka na mbutu cia araika  Na ndamenya wega mathina mathiino  Ndigacoka kumona ringi.     5.  Aregi gwitikia magacania njira ya gikuu  Na matikamiona tondu mahunjiirio  Uhoro uria mwega  Makiuga ni uhoro wa urimu.  (Amina)

NEBUKADINEZARU MUTHAMAKI 1.  Nebukadinezaru muthamaki  Uria wathamakaga Babuloni  Niariire nyeki miaka mugwanja  Ni kwiona ta ari munene kwi Ngai   Ndukindirikanage wee Ngai wakwa  Wee urumbuyanagia na mathina makwa  Ndukindirikanage ndi mbara-ini  Onginya ngoima mwiri-ini uyu wa gukua.     2.  Belishazaru wa Nebukadinazaru  Uria waremeire watho wa Jehova  Niandikiiruo Mene Mene Tekel  Na muthia akiandikiruo Uperesi     3.  Ndungata ya Ngai yetagwo Danieli  Agithoma thiomi agicitaura  Hindi muthamaki na gukiaga  Mundu wa kuga ndegukua     4.  Athamaki acio eri nimariganiiruo  Makiaga kumenya Ngai atuire muoyo  Nake akimatuira ciira na kihoto  Na mui Ngai ndari tha na mwihia.     5.  Nawe muru na mwari wa ithe witu  Menyerera ndukaneke ta Saulu  Watumiruo akanine amareki.  Agitiga ndurume iria ciari noru.    6.  Uri...

  KIRIGANIRO NI UGWATI 1.   Kiriganiro ni ugwati turagia kiririkano  Muririkanage uria mwaiguire  Hoyai Ngai amuhotithie     Kurumia na kugwatiria  Ciugo iria muogire mwetikia  Iria muoimburiire andu othe  Na ni mwaciumburiire Ngai     2.  Ngoro-ini ni muaguuriirio  Watho wa mbuku ino ya Ngai  Muthenya uria muahunjiirio  Hoyai Ngai amuhotithie     3.  Maundu maria muekire  Muiyuirwo ni wega wa Ngai  Ni mukarihwo na muoyo  Hoyai Ngai amuhotithie     4.  Turiai irikaniro na mihitwa  Iri a mwehitire mwetikia  Mukiuga mutikahunduka  Hoyai Ngai amuhotithie.  (Amina)

  MUHONOKIA JESU NI ATUMIRUO   1.  Muhonokia Jesu nia tumirwo ni ithe  Arehe matuiro ma Mwathani  Aimburire andu othe na ahonokie andu othe  Atuike munene thi na iguru.    Ungienda utonya uthamaki-ini wa ithe  Tuuria wendo wake umenyerere  Uciare maciaro na mothe mature  Ukagetha okiria wahandire    2.  Mwathani ni oigire undu uria ungigocithia  Muthamaki Ngai ucio waiguru  Ni maciaro maingi no uthingu na wendo  Ngai akena noguo tugakena.    3.  Uria wenda muriu nowe wendwo ni ithe  Judasi aigua uguo niamakire  No mwathani oigire kiria mundu aigite  Muthithu-ini wake nokio akoya.   4.   Anania athukia watho wa Ngai  Akiiga uhinga ngoro-ini yake akuire atahutitio  Akuire atahutitio  Mena muka Safira  Riu nirio iga magaire    5.  Riu arata akwa kimenyei onainyui  Ngai arenda muciare maciaro  Maria maringaine na uria ...

  ONA INGIKORUO NGIONWO NI MAITHO MATHI   1.  Ona ingikoruo ngionwo ni maitho mathi  Ta itari na kiene makiindorera  Ninjui ndina bata hari Baba  Munyumbi na mundehi guku thi      2.  Thiino ndiri na handu ingihuruka  Na gutiri handu hena thayu  Tondu shaitani nierekeire kuninwo  Na indo iria ciothe cionagwo na maitho    3.  Thiino ndiri na kindu ingirorera  Ni njiganitwo ni maria nderoreire  Ndamenya wega thiino niyakuninwo  Na indo iria ciothe cionagwo na maitho.    4.  Thi kwina kieha na mucayo munene  Roho mutheru agicaira atheru ake  Akimathaitha meyamuranie na thi  Tondu thiino niirenda guka kuninwo    5.  Gaturume wa Ngai muhonokia  Aikarite na githethuko kinene  Akienda Roho Mutheru arikie wira  Magetha ma Roho atwarire ithe witu.    6.  Roho Mutheru ari na wira munene  Wakuringia atheru iria-ini  Athe...

  NDOKIRIRE RUCINI TENE     1.  Ndokirire rucini tene  Niguo ndiharirie thii wira  Ngikorwo andu akwa matiri kuo  Iui kai mathiite ku?   2.    Ngigithii kwa murata wakwa  Ngarore kana niamonete  Mutumia wake anjirire  Onake muthuri ndari kuo.    3.  Iui ngicoka na mucii  Ngarore kana nimokire  Ngikora matiri maroka  Iui kai mathiite ku?     4.  Iui ngiambiriria kurira  Tondu maratuire moigaga  Ati hindi imwe niirikinya  Mathii Jerusalem njeru     5.    Riu ihinda hindi iyo niikinyite  Iria maratuire moigaga  Nimagathii matu-ini  Ihihi nikuo marathire?     6.  Thoma thiini wa Mathayo  Mirongo iri na inya kwambiriria  Kamuhori ka mirongo itatu na kenda uigue     7.  Riu ndeto ciagikinya hau  Murata wakwa wicuranie  Uria mutarainie na Ngai  Tondu oigire agoka ta muici.  (Am...

  GIATHI KIRUGIIRWO MAROHO MANYU   1.  Giathi kirugiirwo maroho manyu  Nigetha mukinyukie mwina hinya  Mwamenya muri athamaki mwi thiino  (Na mwakinya Iguru mugathamiaka X 2)      2.  Ukai inyui atheru haha giathi-ini  Nigukoruo ndumiriri ni nginyu  Ya mathaithana maria mwathaithana  (Amu muhoyaga mutura muoyo x 2)     3.  Gicuthiririei haria muigitwo  Ni hatugiru thiino ndikinyira  Hena goro munene utang’atika  (Ni mathogora mothe ona monganio x 2)     4.  Omundu niamenye ni murathime  Ni kiugo kiria we mwene etikirie  Omundu aruirire Ngai wake  (Ndereti-ini ciothe agimario x 2)     5.  Witikio niguo gicungi kia ngoro.  Uria mundu etikirie akihonoka  Ni muthenya munene wa munyaka  (Uria Roho mutheru aikurukire x 2)     6.  Cokereria cokereria hoti ino  Ruirira ruirira maroho  Tiiririra ogutiiririra ngenge ...

  JUSUFU NIENDIRIO   1.  Jusufu niendirio ni ciana cia ithe  Agatuike ngombo misiri  Makiruta uira wari wa maheni  Muruguo niaritwo ni nyamu.     Nawe niwendetie Jesu no akamutua  Ngombo ya maundu maria me thiino  Na ukamunyururia arogocwo  Hindi iria umwendetie kwa ngoma.    2.  Ithe nietikitie muruwe niaritwo  Niundu wa kuona nguo ciake  Nakiona thakane ikiheana uira,  Muruguo niaritwo ni nyamu.     3.  Jusufu atumitwo ni ithe akamarore  Na mamuona haraya agiuka  Makiuga niakinya munene wa iroto  Riu no hindi tukumuraga     4.  Tondu wa gwitikia na gukiririria  Jusufu agituika munene  Aria mamwendetie makimukora kuo  Mari na thina wa irio cia nda.     5.  Maherire muno makiumbura uira  Mona Jusufu uria mendirie  Niwe marorete amarute ukombo ini  Wa ng’aragu ya miaka miingi     6.  Tugakenaga atia t...

  MATHAITHANA MAKWA BABA   1.  Mathaithana makwa Baba urokimaigua  Tondu ndiri mundu ungi ingikaira thi  Unginjigua ta uria waiguire Ayubu  (Ukimuninira thina na murimu x 2)     2.  Nuu ungi thi na iguru ingigikaira  Uiyuiruo ni tha ta uria ukoragwo nacio  Warutire muruguo waku wa mumwe  (Na gutiri kuoneka ungi tawe Baba x 2)     3.  Kuma wanyumba Baba nduire njaragia  Mundu uiyuiruo ni tha ta iria ukoragwo  Kuma aciari nginya ciana ndiri ndona  (Ungiruta muruwe akue iguru ria andu x 2)    4.  Wambere uria nii nyonete nowe Baba  Wakeri ni Iburahimu ithe witu  Wakurutiire lsaka mwana wake  (Igongona tondu niwamuthurite x 2)    5.  Riu ndiri undu ungi Mwathi wakwa ingikiuga  Undu uria ndiyoneire kirira giaku  Niwamenyete gitumi gia kunyumba  (Na nduikagia guoko riera-ini Jehova x 2).  (Amina)

  TI KIEHA NDAMUREHERE   1.  Ti kieha ndamurehere umiriru niguo ngwete  Ndawambararia na iguru niguo mundu awibarire  Ndungata cioothe geithaniai  Ngeithi ni cia Ngai wanyu    2.  Tega matu wiiguire uikie maitho wibarire  Na ndukorie murataguo waku wothe ni thu yaku  Ngumwira inyuothe geithaniai ngeithi nicia Ngai wanyu.     3.  Geragirai utheri-ini hitho na njuku niciaki  Nigukoruo mwetikirie Ngai uria uturaga muoyo  Hutatirai inyuothe mitugo-ini  Nyumba ya Ngai irathimwo.     4.  Njira ya muoyo ni ndeme Mugi itemwo ingi niaregwo  Onio ya irigithathi niyo gicicio kia othe  Atheru inyuothe hurukai nyumba  Ngai ni njake.     5.   Kwaritio na ikiro nyingi na mbura matu kura  Gugekwo onginya ciiko na iguta no kugutara  Ene kirario inyuothe conokai matu-ini no guguthio.  (Amina)

  URATHI WA MWATHANI JESU   1.  Urathi wa Mwathani Jesu  Niukinyite hindi yaguo urute wira  Na ciugo ciama iria aragia  Cia guteithia aria menda Ngai.     Riria mukona haria hatheru  Haikaritwo ni mundu uria withahitie  Muhoi Ngai niarugame ndakaninanirio na mwihia     2.  Musa munabii mutheru  Na mutongoria wa Jehova  Nionire mwaki kihinga-ini  Akienda gukuhiriria ho.    3.  Eli muthinjiri wa Ngai  Riria aiguire ciana ni ciehia kigongona  Ndacokire gutonya nyumba tondu nioi niri kirumi    4.  Ngai wa iguru ni mutheru  Nierire Musa arute iratu maguru  Hau arugamite ni hatheru harungii   Roho wa Jehova.     5.  Judasi murutwo wa Jesu  Riria amenyire ati niehia na ngoro  Atigiire athinjiri mbia  Akiita muoyo wake ukiura.   (Amina)

  MWATHANI WAKWA NDATURAGA   1.    Mwathani wakwa ndaturaga thi-ino.  Hatiri munjiri mbere kuri mutino  Ndiari munjiri nikuri gikuu  Njurire marakara maria magoka     Niwega mwathani wakwa arogathwo  Nikunyonia njira ya uhonokio (Baba)  Ndigacoka na thutha kindongorie  Gwa shaitani nindoigire uhoro     2.  Ndaturaga ngurunga ya waganu thiini  Itari munjiri mbere kuri ugwati  Mwiri watuire uhenagiriria  Nikumenya guo niwa guku thi     3.  Mwathani ndaturaga na murigo  Murigo munene wa mehia  Nao aria othe datwaranaga nao  Manyonagiriria cia mukira.     4.  Kwa ngoma gutiari na kihuruko  Na mucara wakuo no wa mwaki-ini  Tondu ngoma ndari mundu eyumbiire  Nikio ahitithagia ciana cia Ngai     5.  Niwega nikunguuriria kwi muoyo  Njurire marakara maria magoka  Arata akwa mwarega nindethiira  Thutha mugatigwo mukiri...

 JESU RIRIA ACIARIRUO 1.  Jesu riria aciariruo kuu Bethilehemu  Ogi a njata nimokire kumuona x 2     2.  Na riria makinyire kuu Bethilehemu  Magikiuria Jesu ari ha tondu twaigua niaciaritwo     3.    Herode riria aiguire uguo niamakire  Agikiuria Jesu aciariirwo ku? x2     4.   Andu a Bethilehemu na andiki aria anene   Makimwira Jesu aciariirwo guku gwitu x2  (Amina)

  NJUTHAGIRIRIA MATU-INI   1.  Njuthagiriria matu-ini ngeririria,  Kuinuka, nyume nyumba ino ya ihinda.  Humbwo mwiri wa Roho, mwiri na maundu  Magwo ciendaga ndihugure,  (Atheru Makihumbwo thumbi nanii ngahunbwo njono) x2    2.  Rugendo rwagita hinya murungu ndungiringwo  Tondu nguo ino ya mwiri ni indituhagira  Giikaro giakwa kia iguru nikio ndiriragiria  (Kindeithagie ngiuka murungu niguo tugaturania) x2     3.  Niwaguuriire ndungata bururi ucio wa iguru  No uthamaki wa matu-ini na aria maikaraga kuo  Nikio ndahoya gutoria nigetha ndakinya kuo  (Ningaheo ritwa rieru riria ngetagwo iguru) x2    4.  Muthenya ugakia ta umuthi, riua rituike nduma  Naguo mweri ugaruruke ukahana ta thakame  Ndiuragia ngakorwo ho thi na iguru cieherio  (Niuria ugaga na ageka na ndagarurukaga) x2     5.  Rurimi no ta gacinga,Mwathani unjohere  Tondu rwaragia maundu...

TUKAINA NA JESU TWAKINYA IGURU  1.  Tukaina na Jesu twakinya iguru  Ngarutirwo thumbi njikirwo mutwe  Ngekirwo nguo njeru cia uthamaki  Araika ngiri na ngiri mainage x2    Tugakinyukagia rimwe kwa rimwe  Tugereire he Ngai na Jesu na Roho  Omundu na thumbi yake ya unene  Atheru na Araika no Haleluya     2.  Ngacerio ni Jesu ndakinya iguru  Ngionagio moriru na ikeno nyingi  Ngionagio ithima cia mai matheru  Hamwe na njui iria imetametaga x2     3.  Nguigua ta wititwo murata wakwa  Nyita Jesu guoko tukinye iguru  Kurathimwo kuingi, tukarathimwo  Twina aria matoretie rugendo-ini x2.  (Amina)

  HINDI INO RIUA NA MWERI ITIRI NA UTHERI   1.  Hindi ino riua na mweri itiri na utheri  Aria maragia na kanua na ngoro-ini tiguo  Nikio gikeno kiagaga nyumba-ini ya Ngai  Noniwanjikire wega wanyonia mahoya X 2   Niwega, niwega, niwega makiria Niwe waiyuritwo nitha na ndugaruruke Nikio undirikanaga makiriganira Na niwanjikire wega wanyonia mahoya.    2.  Iguta ni ciaikara thi ciarega kurima  Inyui mukenagia Ngai, mumukeniei riu  Mbura ihakuhi kura magetha makinye  Iguta citigwo uguo cikue ni ng’aragu X 2    3.  Athuri mwitagwo itugi mutire maundu  Anake mwetirwo njamba ni undu wa uhoti  Airitu mwetirwo ikeno mukenagie Ngai  Na riria muikarite thi ng’aragu nene X 2     4.  Aingi moigaga ni agima na tiagima  Na nimirimu ya ngoro iruarite aingi  Aingi moigaga matiri na iheo icio  Niki waheirwo ni Ngai riria wetikirie X 2    5.  Aingi mariaga ohau thi-i...

 MUTHENYA WA MUCARA NIUKUHIRIIRIE   1.  Muthenya wa mucara niukuhiriirie  Onaguo muico wa thi nimukinyu,  O mundu niamenye haria akarugama,  Muthenya ucio wa kinya.   Niagaconoka ngoma niagaconoka Ona njikariire guoko-ini kwa urio Njikirwo thumbi, ngirihwo wira Wakwa muthenya ucio wa kinya.     2.  Wira wa mundu niguo ukamucirithia  Kiria uhandaga menya nokio ukagetha  Akorwo uhandaga muoyo ndugaconoka  Muthenya ucio wakinya.    3.  Nawe mwanake kwa ngoma wi chiamani  Wakuhunjuria mathani ma Ngai, niugaconoka  Ukirihwo wira waku muthenya ucio wakinya.     4.  Nawe muiritu kwa ngoma wi chiarindi  Wakuhunjuria mathani ma Ngai, niugaconoka  Ukirihwo wira waku muthenya ucio wakinya.    5.  Nawe Muthuri uturaga kanitha-ini  Ruhuho rwoka nowe rworotaga, gitumi  Tondu nduri wariha thiri waku na  Caitani nawe niugaconoka.     6.  Nawe mu...

  JESU NIOKIRE THI   1.  Jesu niokire thi, na akiara muthingi  Giikaro kioneke kia Ngai witu na Roho mutheru   Nyumba ino nitheru Ngai niwe utuire Na Mwathani Jesu na Roho mutheru Mamikumuthaga     2.  Gitio kia unene agiitirire thi, niguo agithie  Mweke, ndungata cia muku na mwiikiriro     3.  Aririe akiumbura embere ya andu aingi  Ati niwe ihiga inene ria koine nyumba-ini Ya Ngai    4.  Erire arutwo ake mamurigiciire gukena  Ni etikia tondu nimandikitwo Ibuku-ini ria muoyo.  (Amina)

  NGUTURA NA UHORO WAMA   1.  Ngutura na uhoro wama nyamukite maheni   Tondu maheni ni moru nimo matumite andu aingi  Matige Mwathani wao, matungatire maheni,  Kuu nigutiga utheri marumirire nduma.    2.  Ngurugama na kihoto kiria kiahotanire  Kiria kiari na Mwathani akihota ugi wa thi  Na nokio kiari na musa akihotana misiri  Caitani ni thu yakwa na ndikamuma thutha.     3.  Nitwambararie moko turume nyamukano  Tumirume tumikane ucio ni murimu muru  Niguo waninire Kora na nduri mitugo miega  Utumaga mwana na ithe marutanire haro.    4.  Nainyui mwirugendo-ini giukei tutwarane  Mutigane nacio ariu maritwo ni njohi yao  Marugiirwo ni Shaitani makanyua na makario  Na niki mokaga kwanyu kumurutira haro.    5.  Mwathani niwanyonirie kumiriria mathina  Niwomiriirie ng’aragu ya matuku mirongo ina  Na ukiumiriria gucira na anene a guku thi  ...

  BURURI URIA WA UTHERI   1.  Bururi uria wa utheri kwi mucii wi miena ina  Nduri hindi ugathira gutiri utuku kuo    Ngai akeheria maithori gutiri gikuu na Guoya, miaka ndigatara mahinda amu Utuku gutiri    2.  Ihingo ni cia goro ma mucii ucio wi miena ina  Na njira ni cia thahabu gutiri utuku kuo    3.  Riua ritimabatairie mucii ucio wi miena ina  Gaturume niwe utheri gutiri utuku kuo.    4.  Mirango ndikahingagwo mucii ucio wi miena ina  Rui rwa muoyo ruri kuo gutiri utuku kuo.  (Amina)

TIKUINA NGUINA CIANA   1. Tikuina nguina ciana, ni murigito ngurigita agendi Aria me thi-ini wakwa, mirimu iria irwaritwo ngoro ciao.   2. Ningukuririkania akorwo nikurigwo murigitwo Mwendi muoyo nigetha agacirithie utungati wake.   3. Andu amwe macokagia wira wa Ngai thutha Makienda ki? Ngai aingatire ngoma ta mundu wina Mwiri na thakame.   4. Athuri mwiendetIe mitugo-ini ya thi-ino Mukienda ki? Thomai watho muigue uria Eri ekirwo ni mitugo.   5. Anake mwiendetie mitugo-ini ya thi-ino Ya wanake, kiuria giakwa ni muoyo mukienda Kana ni wanake wanyu.   6. Airitu mwihumbite mihumbire, ya thi-ini Muthiite ku? Ni iguru gwa ithe witu kana Ni thi-ino mukwenda guikara.   7. Atumia mwiragwo mwinyihie na matu no muhingite Mugakararia watho mugacoka mukoiga Haleluyaa   8. Ahunjia na Arutani kirekei ndimwire ciana ciakwa Thomagai mandiko mucoke mwitigire Ngai wanyu.   9. Anabii mwihuge mutigecaririie cira wa mwaki-ini Gwika ciama ti kindu, icio no imeny...

  SERA MARI NA IBURAHIMU  1.  Sera mari na Iburahimu, Sera, Sera wa Iburahimu  Sera ari mwathiki muno, Sera tigucera aceraga.   Sera etwo ni Iburahimu, ndahindaga ni Guitika etikaga, etikaga awa mwathi wakwa:  Onake Iburahimu agakena.    2.  Muhiriga wa Iburahimu athikagai, uria Iburahimu  Watene athikaga, mukinyihagia hari atungati  Ona hari muthijiri Ngai    3.  Muhiriga wa Sera athikagai, toria Sera watene  Athikaga, mukinyihagia hari atungati ona hari  Muthinjiri Ngai.     4.  Uremi riu niuingihite, gutiri na mundu urathika  Gutiri uraigua atungati, na gutiri uraigua muthinjiri.     5.   Athikagai inyui ni ki kigongona, toria Sera watene   Athikaga, mukinyihagia hari atungati ona hari   Athinjiri Ngai.      6.   Hindi nierirwo ni igakinya, ona riu nguona   Tekinyite, ahonoki mathahie kigongona omundu   Ekage uria ekwenda.   (...

MARIAMU MUMAGINDARINA  1.  Mariamu mumagindarina, niathire mbirira-ini tene  Agikora Jesu ndari ho, nake akiambiriria kurira.  Ndamenyaga Jesu ari muoyo, eciragia ni kuiywo  Aiyitwo    Oma oma Jesu ari muoyo, muraika akiumirira  Mariamu, akimwira Jesu ari muoyo, oiga  Tucemanie Galili.    2.  Mariamu agicoka na thutha agitwarira arutwo uhoro,  Akimera Jesu ari muoyo, oiga tucemanie Galili.     3.  Uhoro uria wa kugegania, ni arutwo eri magithii Emau  Jesu okire na matimenye, akimataurira mandiko.    4.  Makiigua makihiahia, ngoro cio igikena makinya  Matiganiro-ini makimwira araririre.     5.  Uhoro uria wakugegania, ni hindi iria oire mugate  Awenyura makimumenya, na makiaga kumwona ringi?    6.  Makiuma hau makenete, magicoka Jerusalemu  Magithii ngoroba ya ithatu, kinya Roho agiuka ta mwaki    7.  Kirima-ini kia mitamaiyu, Jes...

  MATU-INI NII NI NJUI  1.  Matu-ini nii ni njui iguru ni nguthii,  Giti giakwa kiigitwo hakuhi na kia Ngai x2   Matu-ini ni tukaina, iguru iguru tukaina Twarikia kuhotana tukaheo muoyo x2    2.  Ndukahotwo ni toro, wone Jesu agiuka  Arigiciirio ni Araika, mena nguo njeru x2    3.  Rora mutharaba-ini (Jesu) agithinika,  Winyihie na wathike niukaheo muoyo x2    4.  Nawe murata wakwa matu-ini ndungithii  Nikuregaga Jesu na mathani ma Ngai x2     5.  Njira iyo ya riuriro ikinyaga kwa ngoma,  Na ndugakena tene ona tene x2    6.  Judasi akiendia Jesu Kuri Ayahudi  Na ithui ni tumwendetie kwi mawira maitu x2  (Amina)

  JESU NIAGACOKA GUKU THI-INO  1.  Jesu niagacoka guku thi-ino, na ndagoka ta tene  Tondu niagacenjia muthiire oke ta muici utuku.     Akongania aria mamwihokete, Akongania akongania  Notikuhakura akahakura nikungania akongania    2.  Paul tene ari munyariri wa kanitha wa Ngai,  Agicoka akimwitikira agituika murutwo.    3.  Jesu ahikirwo tumuhikire, riria twiguku thi-ino  Tondu twarega kumuhikira no nginya tukahia    4.  Ona nii riu nindetikira, ogutuika omurutwo tondu  Muthenya niukuhiriirie wa gucoka kwa Jesu  (Amina)